جديدتحديث 1.4: أنوار أقوى بالليل، ومراحل أوضح

لعبة نفود للتطعيسمشينا  للبر.

قدامك الطعس… تطلعه ولا تغرز؟ 140 قمة بالدهناء، والمرهم ببلاش من أول يوم. عدله على كيفك، وخل شكمانه يطرب.

المرهم الكحلي بمكينته المكشوفة في آخر ستيج
آخر ستيج

1الأولى في ألعاب السباق المجانية بالسعودية+15,000تحميل على متجر آبل

140 قمة بالدهناء، والمرهم ببلاش من أول يوم. عدله على كيفك، وخل شكمانه يطرب.

دليل اللعبالرايات والتعديلات وأزرار موترك
نزلت على iPhoneAndroid قريب، سجل كمجرب
01 / اللعب

شفها على الرمل.

لقطات من داخل اللعبة، بصوتها الأصلي.

وصلها للقمة.

اختر خطك واطلع الطعس، والراية تنتظرك فوق. لقطات فعلية بصوت اللعبة الأصلي.

من داخل اللعبة

المرهم على الرمل.

رش الرمل واختر خطك للقمة. لقطات فعلية بصوت اللعبة الأصلي.

من داخل اللعبة

المرهم بعد السوبر

بعد تركيب السوبر، شف التسارع على الرمل والطلعة على العرق. شغل الصوت واسمع الفرق.

من داخل اللعبة

افتح المقطع مباشرة
رمال مستوحاة من الدهناءعربي وإنجليزيالمرهم مجاني
02 / تعديلك الجاي

كل راية تقربك من تعديل.

  1. اطلع القمة

    اختر خطك ووصل الراية فوق.

  2. اكسب الراية

    درجاتها تفتح لك تعديلات مختلفة.

  3. افتح تعديلك

    شف شروط التعديلات في الدليل.

افهم الرايات وشروط التعديلات ←
نزلت

حملها الآن

نفود على iPhone ببلاش. حملها من App Store واطلع أول قمة.

حملها من App Store
Android

عندك Android؟ جربها قبل الكل

نسخة Android قريبة، ونحتاج مجربين. سجل ببريد Gmail حق جوالك ونرسل لك دعوة التجربة.

سجل كمجرب Android
03 / نفود

البر يناديك.

لعبة نفود لعبة تطعيس سعودية على الجوال: قمم تتحداك، ورمل يختبر خطك، وخوي يشاركك الطلعة.

هذي ملامح نفود. الصور والمقاطع من داخل اللعبة.

01

القمة تتحداك.

140 قمة، 48 منها طعوس بأسمائها. اختر خطك وخذ وجه الطعس بالسرعة الصح، لين توصل الراية.

02

الرمل حي.

سيف على وجه الطعس، ولفها في الخبوب وطر من المطامر. نسم في الناعم، واضبط الدبل إذا غرزت.

03

الفزعة لها طعم.

شفت واحد غارز ومشغل الفلشر؟ افزع له. وإذا غرزت، شغل الفلشر وتجيك فزعة.

04

أبو سعد يتحداك.

بشاصه: سباق في الخبوب وتحدي على الهرم. هالمرة لك، والجاية له.

05

خويك جنبك.

يسولف بلهجتنا، يهلي فيك إذا طلعت، ويطقطق عليك إذا غرزت. كل طلعة لها سالفتها.

06

البر فيه حياة.

خذ لك قهوة عند بيت الشعر، ومر كشتة الشباب وتحديهم اليومي. وجمهور الهرم ينتظرك فوق.

نفود / المراحل

ست مراحل،
وكل مرحلة تحدي غير.

شاشة المراحل في لعبة نفود: ست مراحل
من داخل اللعبة · «الدهناء حرة» تنفتح بعد ما تختم الست: لعب حر بلا عداد.
  1. النهاررمل سهل وشوف واضح، تتعلم فيه التطعيس.
  2. الليلالرمل يثقل، وما معك إلا أنوارك.
  3. الغيمثرى ماسك، وغدران اللي يطبها يغرز.
  4. بلا خريطةلا سهم ولا خريطة، دليلك عينك ونجمة الجدي.
  5. العجالسافي يغطي الشوف، والرمل أنعم ما يكون.
  6. ؟المرحلة الأخيرة. تعرفها لما توصلها.

كل مرحلة تختمها تفتح اللي بعدها، ومعها مكافأة كوينز. وكل ليلة خميس، من المغرب لين الفجر بتوقيت الرياض، الكوينز دبل.

04 / الكراج

المرهم أول 
الطلعة.

المرهم مجاني. وبقية المواتر قيد التطوير، نعلن موعد كل موتر لما يجهز.

شف بقية المواتر
المرهم في لعبة نفود، بين طعوس الدهناء
المرهممجانيلقطات فعلية من داخل اللعبة. التفاصيل قابلة للتحديث.

طور أداء المرهم خطوة خطوة. وفي أعلى ستيج ينشال الكبوت وتبان المكينة، وتتحرك مع كل دعسة.

خل شكمانه يطرب

عدل الشكمان والرمي والقاطع. وفي رف الفاخر: تفتفة المرهم، وثمانية، والرعد، وأصوات ثانية تختار منها.

اضغط لونش

الدورات تثبت، والقاطع يضرب، والكفرات ترش الرمل. اتركه ينطلق، واسمع الفرق.

في داخل اللعبة باقات كوينز ورف أصوات الفاخر للي يبي يوسع اختياراته.

طعس وراية في الدهناء
05 / الدهناء

لك خط. 
ولك طلعة.

رسم تعبيري لشريط رمال الدهناء ونقطة الرياض، بلا حدود دولة

عروق وخبوب وقمم بأسمائها، في عالم مستوحى من طعوس الدهناء. اختر خطك بين الرمل والمخيمات، وخلك قد تحدي الهرم.

خريطة مستوحاة من رمال الدهناء، وليست نسخة جغرافية مطابقة.

تعرف على الدهناء ←

دور وتلقى.

بين العروق والخبوب، دور أشكال الرمل اللي تعطيك مكافآت وشحنات وتجارب. تلقاها وأنت تستكشف البر.

نفود / دليل اللعب

ودك تعدل موترك؟ ابدأ بالرايات.

درجات الرايات، والتعديلات، وشرح الخريطة. ومعها اللي تحتاجه لأول طلعة.

افتح دليل نفود ←
المرهم الكحلي في نفودمن داخل اللعبة
06 / الأسئلة

قبل لا تطلع.

على الجوال ولا على الكونسول؟

على الجوال، والتحكم مصمم له. متوفرة على iPhone الحين، وأندرويد بعدها؛ نعلن موعده لما يتأكد.

أزرار قيادة المرهم عند بيت الشعر في لعبة نفود
من داخل اللعبة
كم مرحلة في نفود؟

ست مراحل: النهار، والليل، والغيم، وبلا خريطة، والعج، والسادسة تعرفها لما توصلها. كل مرحلة تختمها تفتح اللي بعدها.

متى تنزل نفود؟

نفود نزلت على iPhone، حملها من App Store. ونسخة Android بعدها، ونعلن موعدها لما يتأكد.

وش الجديد في آخر تحديث؟

تحديث 1.4: أنوار أقوى بالليل، ومراحل أوضح، ولعب أخف على الجوال، والخوي على كيفك. شف كل الجديد.

كم موتر متاح الحين؟

المرهم الموتر الوحيد الحين، وهو مجاني. بقية المواتر قيد التطوير، ونضيفها تباعا لما تجهز.

كيف أفتح التعديلات؟

باللعب وبالرايات اللي توصلها تفتح ستيجات وتعديلات المرهم. وفي داخل اللعبة باقات كوينز ورف الفاخر للأصوات.

تنلعب بدون نت؟

إيه، تلعبها بدون نت. الشراء بس يحتاج نت.

أقدر أحفظ مقطعي وأنشره؟

مع «سجل اللحظة»، تحفظ مقطع طلعتك بالشعار في الاستوديو وتشاركه.

هل الصور والمقطع من اللعبة؟

مقاطع القيادة وصور المواتر من داخل اللعبة، وصور سراب في الكراج معاينات لتصميمها. خلفية القمة وافتتاحية نفود مواد فنية للهوية، وليستا لقطات لعب. قد تتغير بعض التفاصيل.

هل أقدر ألعب مع ربعي؟

نفود حاليا تجربة فردية، ونعمل على تطوير اللعب الجماعي. نعلن تفاصيله وموعده لما يجهز.

هل تدعم العربي والإنجليزي؟

نعم، الواجهات بالعربية والإنجليزية، وخويك يشاركك الطلعة بصوت عربي.

وش يوصلني إذا سجلت؟

أخبار نفود وتحديثاتها، وموعد نسخة Android. تقدر تلغي الاشتراك في أي وقت.

نفود / الأخبار

خلك أول 
من يدري.

جديد نفود، والتحديثات، والطلعات الجاية. 
توصل لبريدك.

تبدأ طلعتك بالمرهم، مجانا.

نرسل لك رابط تأكيد البريد قبل تفعيل الاشتراك.

افتتاحية نفود

فيلم الهوية · لقطات اللعب الكاملة في قسم «شف اللعب».