NUFUDEnglish
دليل نفودالرايات والتقدم
نفود / دليل اللعب

الرايات تفتح تعديلاتك.

اعرف درجة الراية، وش تحتاج للتعديل، وكيف تتقدم بين 140 قمة.

آخر تحديث: 15 نوفمبر 2026

خل الراية هدفك

راية حمراء فوق قمة طعس، مع سهم لكل منهما
صورة توضيحية من هوية نفود · هدفك توصل الراية فوق القمة.

كل قمة لها رايتها.

القمة اللي ما طلعتها رايتها حمرا. أول طلعة محسوبة تقلبها نحاس. بعد كل طلعة محسوبة تطيح الراية على الرمل، ولما تقوم ارجع لها: كل طلعة محسوبة تزيد عدادها، ولما يوصل عدد الدرجة الجاية تتقدم رايتها.

  1. أحمر

    ما طلعتها
  2. نحاس

    1 طلعة
  3. فضة

    3 طلعات
  4. ذهب

    5 طلعات
  5. ماس

    10 طلعات
  6. ذيب

    20 طلعة
  7. طويق

    50 طلعة

العدد هو إجمالي الطلعات المحسوبة لنفس القمة، مو عدد إضافي بعد كل درجة. الرموز من درجات الرايات المعتمدة.

مثال: من نحاس إلى فضة

وصلت القمة أول مرة؟ صار عندك نحاس. ارجع لها بطلعتين محسوبتين، ويصير مجموعك 3 ورايتها فضة.

خل التعديل هدفك.

افتح بطاقة التعديل بالمعرض واقرأ شرطه: كم قمة تطلع، وكم مرة كل وحدة، ثم تكلفة الكوينز. الرايات تثبت إنجازك وتبقى معك بعد الفتح.

هيدرز

أول قمة0 كوينز

أول خطوة في سلم التعديلات.

كفرات رمل

اطلع 50 قمة، كل وحدة 3 مرات10,000 كوينز

يعني 50 قمة مختلفة رايتها فضة أو أعلى.

ستيج 1

اطلع 30 قمة، كل وحدة 10 مرات26,000 كوينز

يعني 30 قمة مختلفة رايتها ماس أو أعلى.

الطلعات الزايدة تحسب: قمة طلعتها 5 مرات تحسب ضمن شرط «3 مرات». أما نقلة سباق فشرطها مختلف: تغلب أبو سعد 5 مرات، و1,500 كوينز.

بعد الفتح: اختر صوت موترك وتركيبته ←

ست مراحل، و140 قمة.

القمم الـ140 مقسومة على ست مراحل: النهار، ثم الليل، ثم الغيم، ثم بلا خريطة، ثم العج، وآخرها مرحلة تعرفها لما توصلها. سطر «المرحلة» يوريك كم قمة طلعت وكم باقي، وكم طعس كبير لازم منها. تختم المرحلة وتنفتح اللي بعدها، ومعها مكافأة كوينز.

وتقدر ترجع لمرحلة ختمتها من شاشة «المراحل» وتلعبها مرة ثانية. اطلع 140 قمة مختلفة وشف وش يصير.

شف المراحل الست ←

قبل ما ترجع للرمل.

رجعت للقمة وما انحسبت، ليه؟

رايتها للحين طايحة. بعد كل طلعة محسوبة تطيح الراية على الرمل، والقمة ما تنحسب لين تقوم. ابعد عنها وكمل لعبك وارجع لها بعدين. وبالخريطة تبان الراية الطايحة باهتة.

عندي كوينز، ليه التعديل مقفول؟

أغلب التعديلات تقدر تفتحها الحين بالكوينز من بطاقتها بالمعرض قبل ما تكمل شرطها، والسعر مكتوب على البطاقة. «تشب» ما ينفتح إلا باللعب، و«ستيج 3» يبي 30 قمة رايتها ماس قبل ما ينفتح بالكوينز.

وش يعني «اطلع 50 قمة، كل وحدة 3 مرات»؟

يعني 50 قمة مختلفة، وكل وحدة طلعتها 3 مرات محسوبة على الأقل. تكرار قمة وحدة زيادة ما يغني عن قمة ثانية. وسطر «باقي 8 قمم» على البطاقة يقول لك كم باقي.

هل الرايات تنصرف إذا فتحت تعديل؟

لا. إنجاز الرايات يبقى. اللي ينخصم هو تكلفة الكوينز المكتوبة على بطاقة التعديل.

وين أشوف اللي باقي لي؟

راجع «الجاي لك» في الرئيسية وبطاقة التعديل في المعرض، وافتح «رحلتك» في «سجلي» لعداد القمم. الخريطة ترجعك للقمم اللي طلعتها. والقمم اللي ما طلعتها تكتشفها بالبر.